نداء للزملاء الأفاضل

أنا متفقة معاك يا دكتور محمد في كل كلمة ، لكن في استفسار ، المشاكل واضح انها اتقرأت أكتر من 20 مرة ، ليه ماحدش بيفكر يجاوب ، ان شالله يقول أنا مش عارف و يطلب الإجابة ، على الأقل نحس ان فيه مشاركة
حاجة كمان
ممكن معلش تجمع الأسئلة اللي ماتجاوبتش و أو تعلمها بلون أحمر لأني بجد مش واخدة بالي منها ، أنا عارفة دا تقصير مني لكن زي ماقلت المشروع عامللي دوشة في دماغي و عايزة أخلص منه و بجد شاغلني جامد
يا ريت ياجماعة كلنا نشارك ، مش معقول نفس الناس ترد على كل المشاكل كل مرة ، و والله الاستفادة كبيرة جداً إن شاء الله

الأسئلة هي:


السؤال الموجود في مشاركة:
ترامادول-أحد أدوية الجدول الثاني

السؤال الموجود في مشاركة
الأدوية المخدرة-الجداول

ممكن أنا أسألك سؤال: هو إيه المشروع اللي مش عاجب الدكاترة بالضبط؟؟

وعرفتي منين إنه مش عاجبهم


وربنا يعينك ويزيدك علم

أنا باتكلم عن شغلي في المشروع ، هو اللي مش عاجب الدكاترة، أنا بقالي أكتر من أسبوع رايحة جاية على قسم طب المجتمع بسبب ال questionnaire بس ، أصلاً الموضوع vague و الدكاترة نفسهم مش فاهمين إيه المطلوب بالظبط ، مع إني عارفة إني لو عملته (طلسأة) أو كنت اشتريته على الجاهز ماكانش حد حايتنيها معايا ، و دي مشكلة كل الناس اللي نفسها تشتغل بذمة ، ماعلينا ، ادعولي بس
على فكرة أنا سمعت إن تقديم الanalysis ممكن يتأخر لغاية أول أسبوع من الأجازة ، ربنا يسهل للجميع

عندك حق يا اخ محمد ،،، الفارما مهمة جدا لدرجة اني ممكن اعتبرها الطب كلو ،، لانك ممكن تكون عارف المرض و الباثوفسيولوجي بتاعو و ازاي تشخصو و تيجي تعالجو تروح مدي العيان علاج ياثر عليه في حاجة تانية وتبقي انت كده ما عالجتوش .. تبقي اتسببتلو في مشكلة ؟؟ المشكلة ان الفارما اتكورتت جامد في الكلية عندنا .. و علطول بتتنسي .. و كمان فيه دكتور سمعتو قال جملة جميلة جدا .. ما تكتبش دوا الا وانت عارف الاثار الجانبية بتاعتو .. السايد ايفيكتيس يعني .. و دي اكتر حاجة الواحد كان بيكورتها .. ربنا يساعدنا يارب في المشكلة دي و نعرف نحلها